上引水產.台北自由行

(24 票)
上引水產 台北

上引水產市場.台北立食海鮮餐

上引水產(上引海產市場)有如是「台北版的日本築地市場」,是近年極受香港人歡迎的台北必食新貴。一到上引水產門口,便看到很多企喺度、踎喺度,或者幾廿個人迫住坐喺度,但食緊海鮮、壽司、刺身的人,個個吃得津津有味,令人急不及待衝入去尋找美味海鮮。




上引海產市場分幾個部份,我們一進去,先看到一個街市,賣新鮮未經處理的海鮮,一隻隻鮮紅色的長腳蟹、皇帝蟹、龍蝦等放正喺門口,先給遊人落個「海鮮降」。當然你可以即揀即買,有代客烹煮服務。






經過街市,就是一個超市,很多一盒盒的壽司、刺身、海膽、處理好又切哂件的長腳蟹、皇帝蟹、龍蝦等,可以即買即吃。原來圍哂喺門口食嘢的人,就是在超市內買來海鮮即場食。當然,超市內還有海鮮製品,如魚乾、魷魚絲等食品賣。



唔想吃得咁狼狽,超市內有幾間食肆,但都不要咁奢侈,以為可以坐喺度吃,全都是企位,只是名義上有個固定嘅位比你企,唔駛咁迫。最多人吃的是一間立食壽司吧,要派籌等位。



最後我們在上引水產內選擇了另一間在超市的食肆,立食海鮮拼盤。綜合拼盤套餐很豐富,有刺身、海膽、龍蝦、蟹、蝦、蠔等,另送湯及三文魚沙律。我們還另外點了半打生蠔,仲好鬼高級咁order了一杯白酒添(chardonnay黎架)。豐富而美味的海鮮餐,約盛惠港幣$650。






吃飽飽離開超市,走到上引水產的戶外區,才發現有個燒海鮮區,是一間可以坐定定吃的餐廳。聽聞侍應會先帶你去挑選海鮮, 跟著就會送上一個炭爐,接著就會將你揀好的海鮮放在炭爐上邊燒邊吃。



總括來說,上引水產的海產食材新鮮又多選擇,刺身同海鮮BBQ都有,最緊要係超抵食,推介!

最後修改於 7月2日,2017


  • 旅遊景點: 台北上引水產
  • 地址: 北市中山區民族東路410巷2弄18號
  • 開放時間:

    上引水產開放時間
    週一至週日 06:00 - 24:00

    消費提醒 - 上引水產全區採現金付款,不提供信用卡服務。
    除樂烹火鍋區可電話訂位外其各區皆須現場候位。

  • 交通資訊:

    上引水產交通
    捷運站中山國小站、松山機場站、圓山站乘的士前往上引水產市場約NT100元。

旅行嘉

一返工就想放假
  一放假就想去旅行
     誓要尋找各大小旅遊樂土

上引水產.台北自由行

交通、位置、地圖及鄰近景點