薩爾斯堡到布拉格交通

薩爾斯堡到布拉格交通

(2 票)
【布拉格旅遊】 薩爾斯堡到布拉格交通:從薩爾斯堡到布拉格,可選乘多項交通工具,如乘坐接駁巴士Shuttle Bus由薩爾斯堡直達布拉格(車程約6小時,30歐羅),或是Combo Ticket火車+巴士組合(車程約5小時,29歐羅起):先乘私營火車WESTbahn由薩爾斯堡到Linz(車程約1小時),再轉接駁巴士WESTbus由Linz到布拉格(車程約4小時)等等,但我們由於唔想通巴士,最後揀了最穩陣最快的火車(奧也利國鐡OBB),由薩爾斯堡火車站到Linz,再轉另一班火車由Linz布拉格到,不過最緊要預早查閱火車時間表!

薩爾斯堡到布拉格交通 薩爾斯堡到布拉格交通




薩爾斯堡到布拉格交通

由Linz往布拉格火需時6小時,票價約每位73歐羅,預早預訂火車票價會便宜一點。
由薩爾斯堡到布拉格的火車票可在網上預訂,可以選擇自己print出來,或者到車站時,在ticket machine redeem。但如果自已print左,就無得再redeem,所以print左記得帶。 我們先 在薩爾斯堡中央車站搭一程火車到Linz,車程約1個幾鐘。之後要在Linz轉乘另一火車前往布拉格,這是一個生死時速的考驗,因為如果火車準時的話,火車到達Linz的時間,與由Linz開出往布拉格火車的時間只相距7分鐘,但因為薩爾斯堡開出時delay了8分鐘,原本諗住趕唔切,但架火車又行快左啲,追返少少時間,最後我們有約4分鐘的時間轉車。 在這短短的4分鐘,我們要將行李搬落車,在我們落車的6號月台,再搬行李落樓梯 (唔可以搭扶手電梯,一來見唔到有,二來亦都無時間等佢慢慢落),落完樓梯就要拖住個gip在人群中穿梭,見到4號月台,再將行李搬上樓梯,最後見到架火車之後,仲要用10秒時間,確認啱先上,呢10秒唔慳得,上錯車好大鑊。 當然事前要做足功課,清楚月台位置及火車編號,無時間比你再慢慢搵路。但其實miss左呢班車都唔係太大問題,因為我們買的是"任搭"車票,即是在2日內咩時間都搭得,所以可搭下一班火車,但就要等足1個幾鐘。

薩爾斯堡到布拉格交通 薩爾斯堡到布拉格交通

經6小時的火車,終於抵達布拉格火車站,到達時已約4分時30分,立即出發到酒店check in!
最後修改於 11月19日,2018
薩爾斯堡到布拉格交通
查看地圖

一返工就想放假
  一放假就想去旅行
     誓要尋找各大小旅遊樂土



相關文章
布拉格自由行

布拉格自由行.行程.景點.遊記分享

布拉格自由行:布拉格是個好靚好浪漫的城市,這是很多人對布拉格的評語。我們到過不少歐洲國家旅遊,古典建築物、大教堂、鐘樓、大橋、運河,通通都見慣見熟,心諗:布拉格都應該沒有什麼特別,仲有得再靚啲咩?但身處當地,發現原來真的可以再靚一個層次! 布拉格作為中歐之旅的壓軸,會逗留5日4夜,但又想輕輕鬆鬆,所以決定放棄到中古小鎮克魯姆洛夫 Český Krumlov,但如果有時間的旅者,就可以由hallstatt / 薩爾斯堡包車shuttle到達,住一晚就perfect! 匈牙利.布達佩斯(Budapest)->奧地利.維也納(Vienna)->奧地利.薩爾斯堡(Salzburg)->奧地利.哈爾施塔特(Hallstatt)->捷克.布拉格(Prague) 布拉格自由行主要景點:
查理大橋

查理大橋.布拉格自由行

查理大橋建於15世紀初,將被伏爾塔瓦河隔住的布拉格舊城區及小城區連接起來。查理大橋橋上面的遊人駱驛不絕,兩旁亦有不少畫人像的攤檔。如果想欣賞布拉格地的河景,來查理大橋是個不錯的選擇。