清境農場綿羊秀．馬術表演．清境自由行

3月25日,2019
作者旅行嘉
發佈於清境自由行．清境旅遊

(5 票)

【清境旅遊】清境農場綿羊秀是清境農場最受歡迎的表演節目！不過，這個＂羊咩咩脫衣秀＂只在六、日及寒暑假至有，要睇下大家有冇緣。遊客是變態的，包括我，看到啲羊咩咩脫毛都會好興奮同開心，當然傷害唔到羊咩咩是最重要的，可能是冬天的關係，羊咩咩要留住啲毛保暖，所以當天沒有脫毛show，但每天都有馬術表演，一樣咁精采。不看表演不覺得太失望，因為可以一睹羊咩咩全天候喪食實錄！！太可愛啦～

更多最新「清境自由行．清境旅遊」文章： » 老英格蘭莊園．清境自由行 » 合歡山日出與觀星團．台灣清境自由行 » 老英格蘭莊園．住宿篇．清境自由行 » 老英格蘭莊園．晚餐篇．清境自由行 » 老英格蘭莊園．音樂晚會篇．清境自由行

所有去清境的人都要到青青草原探下啲羊咩咩。清境青青草原的羊咩咩很可愛，成個山頭都是羊，行到邊都會見到羊。餵羊是指定動作，紀念品店有糧食賣，附近有一個羊咩咩之家，一群困在欄杆內的羊咩咩好似餓左9世咁來搶食。

沿途所遇到的每一隻羊，牠們都是做緊同一個動作，就是低頭食草，每一分每一秒都是食草，如果可以捕捉到一隻呆企喺度，而又唔係食緊草嘅羊，真係要比“十個叻”你，其實都可以理解，正如人唔會呆企喺條街度，點都會望住部手機一樣。雖然羊咩咩咁鐘意食，但係作為有愛心的遊客，緊記不要餵啲垃雜嘢佢地食，病左就陰公豬啦。青青草原的羊好鬼醒，食到口渴，就走去供遊人洗手的水喉度，望一望我，示意我去開水喉比佢飲。但因為隻羊真係好渴，飲左好耐都未飲完，最後我交低比另一個遊人幫佢閂水喉。

馬術表演在觀山牧區舉行，離青青草原的入口有一段跟離，所以要預時間行去。從青青草原（綿羊區）到觀山牧區（馬術表演）的途中，會經過觀山驛站，是個睇景的好地方。大家仲可以嘆一杯羊奶冰淇淋，正！

整個表演中有4-5隻馬，及4-5個表演者。其中最受矚目的是一隻聲稱全台灣最大的蒙古馬，很有氣勢。表演者在奔馳中的馬上做出各項高難度的動作，如倒立、射箭等，歎為觀止。同場亦有小馬比遊人騎（要另收費的）。

清境農場大約可玩半日，可由步步高升步道下山，之後會見到多間餐廳，而我們就選了紙箱王。

最後修改於 6月27日,2019

清境農場綿羊秀．馬術表演．清境自由行

查看地圖

旅遊景點: 清境農場綿羊秀．馬術表演
地區: 台灣南投縣仁愛鄉
地址: 台灣南投縣仁愛鄉清境農場
開放時間:
綿羊秀表演時間(羊咩咩脫衣秀)
星期六日、國定假日及寒暑假(除了星期三)的09:30及14:30
青青草原表演台

馬術秀表演時間
每日的10:45及15:45
觀山牧區馬術秀表演場
網址: 清境農場網站

清境農場綿羊秀．馬術表演．清境自由行

旅行嘉

清境農場．清境自由行

紙箱王餐廳．清境自由行

旅行嘉

清境農場綿羊秀．馬術表演．清境自由行交通、位置、地圖及鄰近景點

清境農場綿羊秀．馬術表演．清境自由行
交通、位置、地圖及鄰近景點