金色大廳音樂會.維也納自由行

(3 票)
金色大廳音樂會

金色大廳音樂會Musikverein Vienna

金色大廳音樂會於維也納金色大廳 Musikverein(黃金大廳)舉行,而金色大廳位處維也納音樂協會大樓,是成立於1842年享負盛名的維也納愛樂樂團的演出主場地,亦是世界上舉足輕重的音樂廳之一。大樓共有6個主要音樂廳,分別名為大廳 Großer Saal(即金色大廳)、勃拉姆斯廳 Brahms-Saal、玻璃廳(大禮堂)、金屬廳 Metallener Saal、石頭廳(霍斯特·哈夏克廳)和木頭廳。想要享受維也納音樂會的極致體驗,當然首選金色大廳啦!

金色大廳音樂會 金色大廳訂票

當日差不多全廳滿座,遲一點可能買不到門票。金色大廳音樂會座位、票價及網上訂票詳情見另文:金色大廳訂票.維也納音樂會網上購票攻略

金色大廳音樂會 金色大廳音樂會




"金色大廳音樂會 金色大廳音樂會




"金色大廳音樂會 金色大廳音樂會

我地買了上層的門票,面向舞台右邊較前方位置的第二排,其實都只見到半個舞台,但因為後面咁啱無人,所以有時可以企起身。門票為 "Cat. 6 - 3. Balkon-Loge Rechts - Row: 2, Seat: 7 - restricted view of stage" ,每位約40歐羅。 在網上訂了門票後,就可以在當天憑確認電郵到音樂廳的ticket office取票。雖然我地取票時問職員參加金色大廳音樂會有沒有衣著限制(dress code),佢好肯定咁話無,但基本上個個都會自動自覺著得隆重一點,女的著裙,男的穿西裝。但遊客著得輕便少少,我覺得是情有可原的。總之,如果你唔怕同其他人反差太大的話,著拖鞋短褲都可以入場。 我地在網上買飛的時候都唔係好知會聽啲咩,只係見到唯一一個看得懂的字Mozart,就估有莫扎特的曲目,應該都對路嘅。入場時有program賣,每本3歐羅,但係無英文版,所以聽完都仲係唔知聽左啲咩。但整個過程十分enjoy,音樂好聽,除了管弦樂外,還有一男一女高音演唱。指揮家是個白髮伯伯,好有台型,最後仲親身上陣拉小提琴。音樂會全長2個鐘左右,絶對值得親臨體驗。

最後修改於 6月4日,2018


旅行嘉

一返工就想放假
  一放假就想去旅行
     誓要尋找各大小旅遊樂土