上引水產．台北自由行

(28 票)

上引水產市場．台北立食海鮮餐

上引水產（上引海產市場）有如是「台北版的日本築地市場」，是近年極受香港人歡迎的台北必食新貴。一到上引水產門口，便看到很多企喺度、踎喺度，或者幾廿個人迫住坐喺度，但食緊海鮮、壽司、刺身的人，個個吃得津津有味，令人急不及待衝入去尋找美味海鮮。

上引海產市場分幾個部份，我們一進去，先看到一個街市，賣新鮮未經處理的海鮮，一隻隻鮮紅色的長腳蟹、皇帝蟹、龍蝦等放正喺門口，先給遊人落個「海鮮降」。當然你可以即揀即買，有代客烹煮服務。

經過街市，就是一個超市，很多一盒盒的壽司、刺身、海膽、處理好又切哂件的長腳蟹、皇帝蟹、龍蝦等，可以即買即吃。原來圍哂喺門口食嘢的人，就是在超市內買來海鮮即場食。當然，超市內還有海鮮製品，如魚乾、魷魚絲等食品賣。

唔想吃得咁狼狽，超市內有幾間食肆，但都不要咁奢侈，以為可以坐喺度吃，全都是企位，只是名義上有個固定嘅位比你企，唔駛咁迫。最多人吃的是一間立食壽司吧，要派籌等位。

最後我們在上引水產內選擇了另一間在超市的食肆，立食海鮮拼盤。綜合拼盤套餐很豐富，有刺身、海膽、龍蝦、蟹、蝦、蠔等，另送湯及三文魚沙律。我們還另外點了半打生蠔，仲好鬼高級咁order了一杯白酒添（chardonnay黎架）。豐富而美味的海鮮餐，約盛惠港幣$650。

吃飽飽離開超市，走到上引水產的戶外區，才發現有個燒海鮮區，是一間可以坐定定吃的餐廳。聽聞侍應會先帶你去挑選海鮮，跟著就會送上一個炭爐，接著就會將你揀好的海鮮放在炭爐上邊燒邊吃。

總括來說，上引水產的海產食材新鮮又多選擇，刺身同海鮮BBQ都有，最緊要係超抵食，推介！

最後修改於 7月10日,2018

一返工就想放假
　　一放假就想去旅行
　　　　　誓要尋找各大小旅遊樂土

此分類更多內容： « 聚北海道昆布鍋．忠孝復興站．台北自由行 Maji Maji 創意市集．圓山站．台北自由行 »